E komuna Palilula si po baripe - 44586 hektara majbari komuna ano Beograd. E šenimatencar e Forutne institucijaće e informatikaće thaj statistikaće, po paluno registripe, ko april 2002. berš pi Palilula trajisaren 169363 thanbešutne, savo thanardisarel la po štarto than maškar e 16 beogradese komune.

O than e komunako Palilula si ćerdo katar e trin kompleksnune bati-forutno (thanardino ano korrkorutno maškaripe e Beogradesko), pašeforosko thaj gavutno, so ćerel idealnuno phangljipe ano urbano thaj ruralnuno than sostar amari komuna paruvisavol katar aver beogradese komune. Kaj karakteristika lunđarel bare potencijalura e anglaljimase, sar e komunaće gja i e forose. Pe dujto rig rodel baro digri e đanglimasko, prbmnipe thaj angažimasko e komuunaće vastarutnimasko te thanardisarel harmonikano anglaljipe intrego komunako. O nevo vasatarutnipe e komunako katar o oktobar 2000. berš ćerel sa thaj sila sukcesi e komuna Palilula te nakhavel e lungutne beršenđe pharimata thaj thanardisarel modernuni thaj efikasnuni institucija, savi si po laćhipe e forutnengo, gja vaćardine ano ćaćikano gndimsako vaćaripe, themutno servis e forutnengo.

E Palilula si adiministrativnune formirimi ko 1956. berš po buvljipe e stingo thaj dahnes bajerako e Dunavesko, saven phandol e Panćevosi phurd (vazdini ko 1933. berš, rumuimi ko 1944. thaj palje nevisajlji ko 1946. berš). Pe dahnesi rig e ljenako katar e pašutne beogradese komune e Palilula ulaven e droma: Takovska, Bulevari e thagaresko Aleksandar, Ruzvelstosko thaj Partizansko drom. Prekal e Karaburma, Višnjićka Banja thaj o gav Višnjica, Slanac thaj Veliko Selo mukljol po Dunav. Pe stingo bajera e Dunavosi e Palilula astarel sa e thana katar o Zrenjanin thaj Panćevo. Gasavi buvlji thanesi komuna e Palilula ćeren 24 thanese kethanutna.

E Palilula si komuna bare potencijalurencar ane savena ekonomijaće thana, katar e umaljinekonomijaći (prekal e 30000 hektara) thaj anglalhamasi industrija thaj sa đi ko turizmo, savo kama šajisarela te resel evropako niveli. Garancija kal konstatimasko si e Ada Huja, ćaćikano sumnakaj e komunako thaj foro savese e komunako vastarutnipe kethane e Palilulcencar marelpe te avel ,,europolis po Dunav", e bućaće ćerimasa, turistikane thaj sportskune-rekreativnune inćarimatancar e (Ada Huja) buvljardol katar e Panćevosi phurd đi ko gav Višnjica.